Magadansglósur Parvönu
Hareem sýningar
Hareem sýningar Magadanshússins hafa verið mánaðarlegur viðburður nú í tæpt ár. Ég hef dansað á nokkrum slíkum og reynt að safna myndum frá þeim, en ekki verið mjög dugleg við það. Vonandi verður þetta með tímanum veglegra samansafn. Sumar myndirnar eru frá magadans.is ... Lesa meira
Magadansdísirnar
Magadansdísirnar var hópur sem samanstóð af okkur Heiðu, Hrafnhildi og Sunnu. Hópurinn var valinn af Hinu Húsinu til að vera á starfslaunum hjá Reykjavíkurborg í sumar (2004) við skapandi sumarstörf. Við sömdum og æfðum dansa og tróðum svo upp víðs vegar um borgina, almenningi oft að óvöru. Því miður var ekki hægt að fá einhvern til að mynda okkur á öllum uppákomunum, en hér er brot af því besta sem náðist á mynd ... eflaust eigum við eftir að eignast fleiri myndir eftir sumarið. ... Lesa meira
Már ljósmyndari
Einhverntíman vantaði mig svo nýlegar magadansmyndir fyrir einhverja blaðagrein ... Már skellti sér að sjálfsögðu í gervi ljósmyndara fyrir mig og reddaði myndinni! ... Lesa meira
Keppnin 2003
Myndir úr magadanskeppninni 2003. Þar dönsuðum við allar að sjálfsögðu stóran hópdans með Helgu Brögu og fleiri stelpum og svo keppnisdansana okkar, sem flestar sömdu sjálfar. Ég dansaði þar í fyrsta skipti ein með slæðuvængi og í kjölfarið kolféll ég gjörsamlega fyrir öllu sem heitir vængir í magadansi ... og uppfrá því valdi ég mér magadansnafnið mitt! Sumar myndirnar eru frá magadans.is ... Lesa meira
Kaffi List
Þessar myndir eru frá því þegar við dönsuðum á Kaffi List, sumarið 2003. Þá var ýmist dansað á milli borða og sýnd skipulögð atriði í bland og stóðu herlegheitin yfir heila helgi, eða frá föstudegi til sunnudags. Þetta er í mínum huga eitt af því skemmtilegasta sem við höfum gert saman ... ásamt mörgu öðru reyndar! Á þessum myndum er ég einnig bara í búningum sem ég hef klúðrað saman sjálf ... vá, ég er dulegri en ég held! Sumar myndirnar eru frá magadans.is ... Lesa meira
Fyrsta magadansljósmyndunin
Myndir úr fyrstu magadansljósmynduninni minni með Josy hjá Lauru Valentino, haustið 2001. Myndirnar bera þess merki að vera teknar af mjög óþægu módeli sem átti erfitt með að taka þetta of alvarlega ... ég á svolítið erfitt með að velja myndir í þennan reit og leyfi fleiru að flakka en er líklega skynsamlegt ... ég hef bara svo ofboðslega gaman af þessum myndum! Í myndatökunni var ég í fyrsta heimasaumaða búningnum mínum. Ég hannaði meira að segja munstrið á pilsinu sjálf og þrykkti það! Metnaðurinn var svo mikill í gamla daga. ... Lesa meira
