Árshátíð Þórshamars

Ég skellti mér á árshátíð Þórshamars sl. mars í gervi Audreyar Hepburn, en það var grímuballs-árshátíð og þemað var Óskarinn. Ég gerði mér lítið fyrir og hreppti Óskar kvöldsins fyrir besta gervið ... sem var pínu vandræðalegt vegna þess að ég hjálpaði Eddu með Trinity-búninginn sinn og hún lenti í öðru sæti fyrir sinn búning.

Fyrir hönd óvirkra karateiðkenda sýndi ég magadans með Sandy úr Grease (Sollu) .. sem er nú reyndar orðinn virkur karateiðkandi aftur.