Færslur mánudaginn 15. september 2003

Kl. 03:27: Sunudagstími - kennaraprófun og fleira 

Þar sem að ég var veik á föstudaginn og mætti ekki á fyrstu æfingu vetrarins, vissi ég ekki að það væri fyrsti kennaraprófunartíminn í dag. Það kom mér gjörsamlega í opna skjöldu þegar ég frétti af kennaraprófuninni og því að ég var boðuð í hana ásamt tveimur öðrum stelpum.

Ég tók náttúrulega þátt og geri ráð fyrir því að klára prófunina .. en hún dreyfist víst á sunnudaga næstu vikna.

Þetta er í raun mjög sniðugt, en með því að hafa lokið þessarri prófun get ég orðið viðurkenndur magadanskennari ... en maður þarf að hafa lært ákveðið lengi hjá viðurkenndum kennara til að mega fleyta svona prófun. Kannski að maður gerist bara magadanskennari, svona sem starfsgrein númer tvö?!!!

Varanleg slóð