Færslur mánudaginn 13. október 2003

Kl. 02:07: Nemendasýning Josyjar í Tjarnarbíói 

Jæja þá er sýningin í Tjarnarbíói afstaðin, en hún var alveg hreint út sagt, tær snilld.

Mér fannst við nemendurnir standa okkur alveg ótrúlega vel, ég get varla lýst því á prenti hvað ég er stolt af okkur.

En það jafnast enginn á við hana Josy okkar, þessa gyðju sem er drifkraftur okkar allra. Hún skipulagði sýninguna frá a-ö, samdi alla dansana í henni, kenndi okkur þá, pantaði á okkur "troup"-búningana (sem komu á réttum tíma og í réttum stærðum), hvatti okkur áfram og fékk okkur til að trúa að við gætum þetta ... og við gátum þetta! Og, eins og að þetta væri ekki nóg, þá performeraði hún sjálf af þvílíkri innlifun og fegurð að ég á varla til orð til að lýsa aðdáðun minni.

Josy er magadansmær Íslands, ég fer ekki ofan af því!

Takk stelpur, fyrir frábært, kröftugt, skemmtilegt og líflegt kvöld. Ég hlakka strax til næstu sýningar okkar!

Svör frá lesendum (2) | Varanleg slóð