Arabísku tímarnir hjá Mohammet

Skrifað 28. apríl 2004, kl. 02:13

Ég mæli eindregið með tímunum hjá Mohammet í arabísku.

Þetta eru magadansmenningartímar með arabískunámsívafi. Það er bara búinn einn tími, en ég lærði svo margt í honum að get alveg leyft mér að mæla með honum strax. Mohammet hefur svo mikið innsæi og vitneskju sem við getum lært af.

Í síðasta tíma fórum við yfir þýðingar hans á laginu sem við dönsum "Khalleji 2" við og á öðru lagi sem við æfum oft við. Svo fór hann í það að útskýra fyrir okkur uppruna Khallejis frá Persaflóanum, við lásum á arabísku (eða það sem að hann sagði að væri svo gott sem ... kannski illskiljanleg arabíska hjá okkur ennþá!) og svo tók hann fyrir tvær ólíkar tegundirnar af magadanstónlist og útskýrði hversu ólíkur hvati er oft á bakvið gerð mismunandi magadanstónlistar.

Það er svo margt sem maður ekki veit, fyrr en maður veit að maður veit það ekki!