Dalalægð

Skrifað 22. júlí 2004, kl. 17:02

Úff, þegar mest er um að vera hjá mér, verður lítið um skrif hér á síðunni ... undanfarið hefur verið mjög annasamt hjá mér.

Magadansfréttirnar af mér eru þó ekki miklar þessa dagana. Nú er einhverskonar lægð á milli æfingatímabila hjá mér ... Magadans-sumarvinnunni er lokið og æfingatörnin í Magadanshúsinu fyrir haustuppákomurnar er rétt að skríða í gang, en hún verður líklega komin á fullt um næstu mánaðamót.

Í síðustu viku byrjuðum við að læra hóp-tabla-dans fyrir októbersýninguna okkar ... mér finnst svo gaman þegar við lærum eitthvað nýtt, ég fæ alveg fiðring af spenningi!

Annars missti ég af æfingunni minni í gær vegna þess að sonur minn datt í steingólfið í ganginum heima hjá okkur og stór hurð með spegli ofaná hann ... lengi vorum við ekki viss hvort það væri örugglega allt í lagi með hann. Núna er hann hins vegar farinn að hlaupa, syngja og vera eins og hann á sér til að vera. Okkur hjónunum er voðalega létt.

Endilega látið mig vita af hverju ég missti ... var nýji dansinn kláraður? Kristína.