Færslur miðvikudaginn 20. október 2004

Kl. 23:19: Sambatími! 

Í kvöld kom Josy okkur rækilega á óvart og kenndi okkur Samba-dans. Við höfum farið í Samba af og til, við höfum lært grunnsporin og Josy hefur notað dansinn til að losa um okkur þegar hópurinn festist í gömlu fari, svo hefur hún líka oft notað hann til að hita okkur upp í byrjun tíma eða eftir rólegar æfingar, þegar á að verða fjör. En eins og flestir vita, er Josy frá Brasilíu og þar kunna börn að dansa Samba áður en þau ganga!

Enginn átti von á því að fara að læra heilan Sambadans í kvöld, og brá okkur heldur í brún þegar Josy sagði að við værum orðnar svo færar í Sambanu að hún hefði búið til pláss fyrir það í Nóvembersýningunni!!! Mér sýnist að þetta verði í alla staði fjörug, fjölbreytt og skemmtileg sýning hjá okkur.

Ég mun skrifa dansinn hér inn seinna í kvöld eða á morgun þegar ég hef náð andanum betur.

Nú er að passa sig að rugla þessu ekki öllu saman! Kristína.

Svör frá lesendum (3) | Varanleg slóð

Kl. 18:07: Síspennt fyrir magadansinum 

Ó, ó, ó, ó ... ég er svo spennt, ég er nefnilega búin að fá veður af því að við lærum nýjan dans í kvöld ... þegar maður er búinn að standa í svona rosalega strangri magadansviku eins og þeirri síðustu, þá verður maður húkkt, og orðinn svo góðu vanur að krafan á meiri keyrslu verður sterkari.

Nú förum við að læra eitthvað nýtt og ég er svo spennt!!! Svo fáum við líka diskinn með tónlistinni fyrir sýninguna í kvöld, en hann er víst fullkláraður!

Sjáumst eftir 3 tíma stelpur (and counting!).

Varanleg slóð