Kertadans meðgöngumagadansmeyjanna

Skrifað 15. september 2005, kl. 23:19

MIRIAM - Erum með lítil glös sem líkjast helst litlum koníaksglösum með breiðum fæti, í þeim eru sprittkerti. Höldum glösunum í lófunum á milli löngutangar og vísifingurs og snúum glösunum (/lófunum) alltaf upp.

1. Höldum kertum út til hliðanna og færum mjaðmirnar til hliðanna átta sinnum (h,v,h,v,h,v,h,v), í síðusta skiptið færast hendurnar niður að mjöðmum.
2. Gerum fjórar áttur framávið, þegar við förum með hægri mjöðm til hliðar, þá fer hægri hendi út, vinstri hendi fer út með vinstri mjöðm, svo fara hendurnar að mjöðmunum í næstu áttuhreyfingum, fyrst hægri hendi með hægri mjöðm svo vinstri með vinstri, endurtökum þetta fimm sinnum (sex sinnum 4 áttur allt í allt, sumsé 24 áttur þar sem hendur fara út og að til skiptis)
3. Stöndum á tám með hægri fót aðeins framar en þann vinstri, vöggum 6 sinnum fram á hægri og aftur á vinstri og gerum litla camel-hreyfingu í leiðinni (mjaðmir í afturábak hring)
   hendur fara upp rólega í fyrstu 4, hendur niður með hliðum í næstu tvö, í 7. taktinum stígum við niður jafnfætis og í þeim 8. lítum við niður á kertin,
   Endurtökum allan liðinn.
4. Ganga fram, fjögur skref fram með basic egypt sporinu, h,v,h,v (hægri hendi fer fram með hægra fæti og sú vinstri fram með þeim vinstri), svo göngum við tvö skref afturábak í v,h, í 7.taktinum stígum við aftur í vinstri fót og förum upp með hendur, og í þeim 8. fara hendur aftur niður.
   Endurtökum allan liðinn.
5. Hendur til hægri, hip-shimmi (hrista mjaðmir) í 3 takta, í 3. takti fer hægri hendin líka upp og í þeim 4. fer hendin aftur niður og við stígum í hægri fót og mjöðmin fer út til hliðar í leiðinni. Við horfum á kertið á meðan það fer upp og niður
   Endurtökum til vinstri.
6. Ganga í skálínu til hægri, fjögur skref fram með basic egypt sporinu, h,v,h,v (eins og í lið 4), svo göngum við tvö skref afturábak í v,h, í 7.taktinum stígum við aftur í vinstri fót og förum upp með hendur, og í þeim 8. fara hendur aftur niður.
   Endurtökum á ská til hægri, byrjum líka með hægra fæti.
7. Endurtökum lið 3
8. Færum mjaðmirnar 4x til hliðanna (h,v,h,v), í fyrstu 2 færum við hendurnar út til hliðanna með mjöðmunum, fyrst hægri hendi og svo þá vinstri
9. Hægri hendi fer rólega upp og svo niður, vinstri hendi fer rólega upp og svo niður,
   svo teiknar h hendi hring framávið, v hendi teiknar hring, h hendi teiknar hring og loks teiknar v hendi hring, og hendur gera báðar hring samtímis og koma rólega saman fyrir framan okkur og enda út til hliðanna aftur.
   Endurtökum allan liðinn.
10. Hendur beint út til hliðanna og göngum í hring til hægri (spítukarlahring: stíga í h-fót og snúa 180°, stíga í v-fót og snúa í 180°, stíga í h-fót), og endar með vinstri mjöðm uppi,
    göngum til baka í hring til vinstri og endum með hægri mjöðm uppi.
    Endurtaka allan liðinn.
11. Endurtökum lið 5 tvisvar sinnum (shimmi til h,v,h,v)
12. Höfum átta takta til að ganga með basic egypt sporunum og koma okkur fyrir í stórum hring allar saman.
13. Endurtökum lið 4, göngum allar inní hringinn
14. Endurtökum lið 3, snúum allar inní hringinn
15. Göngum allar í halarófu til hægri í hringnum með 8x basic egypt sporunum.
16. Snúum inní hringinn og förum með hendurnar í litla hringi að okkur og færum handleggina rólega uppávið (x8) í leiðinni, svo niður aftur (x8), svo upp að andlitinu, og blásum á kertin.