Aflýst myndataka og afmælisveisla

Skrifað 18. september 2005, kl. 11:52

Í gær átti ég bókaðan tíma hjá Hákoni Frey í Myndveri, í ljósmyndatöku ... tveimur tímum áður en ég fór í myndatökuna og ég var að velja búninga til að vera í, ákvað ég að máta þá til öryggis. Og viti menn, ég á ekki eitt magadansbelti sem nær utanum mig lengur, svo stór er ég orðin!
Þar sem að ég var tímabundin og tíminn þessvegna of naumur til að redda mér almennilega, frestaði ég myndatökunni hjá Hákoni, en ætla að fara til hans seinna þegar maginn á mér er orðinn stærri og fallegri.

Í gærkvöldi fórum við Már svo í afmælisveislu til hennar Rósönu. Þar var stappað af fólki, en við Már vorum fyrsta magadansfólkið á svæðið. Ekki leið þó á löngu áður en við vorum komin í meirihluta í veislunni! Ég man að ásamt okkur má, mættu Josy og Árni líka, Birna Lísa, Anna Dóra, Heiða, Helga Braga, María Callista, Danni og Árni karatestrákar (Jonni kom líka í smástund) ... vona að ég sé ekki að gleyma neinum.
Gestrisni afmælisbarnsins var engu lík, það fékk enginn að vera svangur eða þyrstur í sekúntubrot ... veit ekki hvort ég veri svöng aftur fyrr en einhverntíman eftir helgi.
Í morgun vaknaði ég svo með harðsperrur í maganum, en ég hef sjaldan hlegið jafnmikið og-lengi og í gærkvöldi eftir samverustundina með magadans-/karateliðinu.
Úff, þetta var sko heldur betur vel heppnað og skemmtilegt partý og það verður gaman að hitta alla aftur á æfingu á mánudaginn!